Первыи книги Моисиовы Бытия.
Первая книга Моисея Бытие.

Глава 3.
На церковнославянском языке русскими буквами (транслитерация).

И беста оба нага Адам же и жена его и не стыдестася.
змий же бяше мудреиши всех зверии сущих на земли иже створи Господь Бог.
И рече змий жене, что яко рече Бог, да не ясте от всякаго древа иже в раи.
И рече жена от плода древа сущаго, в раи да ямы и.
от плода же древа иже есть посреде рая рече Бог, да не ясте от него ниже прикоснетеся ему да не умрете.
И рече змии жене, не смертию умрете, ведяше бо Бог яко вньже день аще снесте от него, отверзутся очи ваши, и будете яко бози, ведяще добро и зло.
И виде жена яко добро древо в снедь, И яко угодно очима видети, и красно есть еже разумети, и вземши от плода его и яде, и дасть и мужу своему с собою и ядоста.
И отверзостася очи обема, и разумеша яко нази беша.
И сшиста листвие смоковное, и створиста себе препоясания.
И слышаста глас Господа Бога ходяща в раи в полудне, и скрыстася Адам же и жена его, от лица Господа Бога посреде древа раискаго.
И призва Бог Адама, и рече ему.
Адаме Адаме, где бе.
И рече гласа Твоего слышах ходяща в раи и убояхся, яко наг есмь и скрыхся.
И рече ему Бог, кто взвести тебе яко наг еси,
Аще не бы от древа егоже заповедах тебе, сего единаго не ясти от негоже ял еси.
И рече Адам, жена юже ми дасть с мною, та ми даде от древа и ядох.
И рече Бог жене, что се створила еси.
И рече жена, змии прельсти мя и ядох.
И рече Господь Бог змию, яко створил еси се, проклят ты от всех скот, и от всех зверии земных, и на персех твоих и чреве да пресмыкаешися, и землю яси вся дни живота своего.
И вражду положу посреде тебе, и посреде жены, и посреде семенем твоим, и посреде тоя.
То тебе блюдет главу, и ты блюдеши ему пяту.
И жене рече.
умножа умножу печали твоя, и вздыхания твоя, в болезнех родиши чада, и к мужу твоему взвращение твое, и тои та обладает.
И Адаму рече, яко послушал еси гласа жены твоея, и ял еси от древа егоже заповедах тебе сего единаго не ясти от него ял еси.
проклята земля в делех твоих, в печалех снеси ту вся дни живота твоего.
И терние и влчец взрастит тебе, и яси траву селную,
и в поте лица твоего снеси хлеб твои, донелиже взвратишися в землю от неяже взят бысть, яко земля еси и в землю поидеши.
И нарече Адам имя жене своеи Жизнь, яко та мати всем живущим.
И створи Господь Бог Адаму и жене его ризы кожаны, и облече их.
И рече Бог, се Адам бысть яко един от Нас, еже разумевати добро и лукаво.
И ныне да не когда прострет руку, и взмет от древа жизни и снесть, и жив будет в векы.
Изгна его Господь Бог из рая пища, делати землю от неяже взят бысть.
И изят Адама, и всели его прямо раю пища.
И пристави Херувим и пламенно оружие, обращающееся хранити путь древа жизни.