Первыи книги Моисиовы Бытия.
Первая книга Моисея Бытие.

Глава 4.
На церковнославянском языке русскими буквами (транслитерация).

Адам же позна Евву жену свою, и заченши роди Каина.
И рече, приобретох человека Бога ради.
И приложи родити брата ему Авеля, И бысть Авель пастыр овцам.
Каин же бе делая землю.
И бысть по днех, принесе Каин от плодов земля жертву Богу.
И Авель принесе и тои, от первородных овец его, и от туков их.
И призре Господь на Авеля, и на дары его.
на Каина же и на жертвы его не внят.
и оскорбе Каин зело, и испаде лице его.
И рече Господь Бог Каину, что оскорблен бысть, и вскую испаде лице твое.
не убо аще праведно принесе ми, праве же не приносиши.
Сгрешил еси умолкни, к тебе обращение его и ты тем обладаеши.
и рече Каин к Авелю брату своему, поидев убо на поле,
и бысть внегда быти им на поли, и вста Каин на Авеля брата своего и уби его.
И рече Господь Бог к Каину, где есть Авель брат твои.
он же рече, не веде, еда страж брату моему есмь аз.
И рече Господь, что створил еси се, глас крове брата твоего вопиет к Мне от земля, и ныне проклят ты на земли, яже разверзе уста своя прияти кровь брата твоего от руку твоею.
И егда делаеши землю не приложит силы своея дати тебе, стеня и трясыися будеши на земли.
И рече Каин ко Господу Богу, вящшая вина моя еже оставити ми ся.
И аще изгониши мя днесь от лица земли, и от лица Твоего скрыюся, и буду стеня и трясыися на земли, и будет всяк обретаяи мя убиет мя.
И рече ему Господь Бог, не тако, всяк убивыи Каина седмь отмщении приимет.
И положи Господь Бог, знамение на Каине, еже не убити его, всякому обретающему его.
И изыиде Каин от лица Божия, и вселися в землю Наид, прямо Едему.
И позна Каин жену свою, и заченши роди Еноха.
И бе зижда град, И именова имя граду, в имя сына своего Енох.
Роди же ся Еноху Гаидад,
И Гаидад роди Малелеила.
И Малелеил роди Мафусала.
Мафусал же роди Ламеха.
И взят себе Ламех две жене, имя единои Адда, И имя втореи Селла.
Роди же Ада Иовила, сеи бяше отец живущим в селених скотопитателных.
И имя брату его Иовал сеи бяше показавыи певницу и гусли.
Селла же роди Фовела, сеи бяше млатобиец ковач меди и железу.
Сестра же Фовелова, Ноема.
И рече Ламех своим женама Адда и Селла, услышите глас мои жены Ламеховы внушите моя словеса.
Яко мужа убих в язву себе и юношу в струп мне.
Яко седмицею мстится от Каина, от Ламехаж седмьдесят седмицею.
Позна же Адам жену свою Евву, и заченши роди сына и именова имя ему Сиф, глаголющи, вскрси бо ми Бог семя другое в место Авеля, егоже уби Каин.
Сифу же быс сын, и именова имя ему Енос.
Сеи упова призвати имя Господа Бога.