Первыи книги Моисиовы Бытия.
Первая книга Моисея Бытие.

Глава 5.
На церковнославянском языке русскими буквами (транслитерация).

Сия книга бытиа человеча, в иже день створи Бог Адама.
по образу Божию створи его, мужа и жену створи их, и благослови им.
и нарече имя ему Адам внже день створи их.
Жить же Адам лет, 130, и роди сына по видению своему и по образу своему, и нарече имя ему Сиф, быс же днии Адамовых яже пожит рождь Сифа лет, 8, сот, и роди сыны и дщеры.
И бысть всех днии Адамовых иже поживе лет, 9, сот и 30, и умрет.
Поживе же Сиф лет, 205, и роди Еноса, и поживе Сиф рождь Еноса, лет, 7, сот и 7, и роди сыны и дщеры.
Бысть же всех днии Сифовых лет, 9, сот и, 12, и умрет.
Поживе же Енос, лет,190, и роди Каинана.
И жит Енос повнегда родити ему Каинана, лет, 7, сот и 15, и роди сыны и дщеры, и бысть всех днии Еносовых, лет, 9, сот и 5 и умрет.
И жить Каинан, лет 170, и роди Малелеила, и поживе Каинан повнегда родити ему Малелеила, лет, 7, сот 40, и роди сыны и дщеры, и быша вси дние Каинановы, лет, 9 сот и 10, и умрет.
И поживе Малелеил лет 165, и роди Ареда.
И жить Малелеил родив Ареда, лет, 7, сот и 30, и роди сыны и дщеры.
И бысть всех днии Малелеиловых, лет 8, сот и 95, и умрет.
И поживе Аред, лет, 162, и роди Еноха, и жить Аред рожд Еноха лет, 8 сот, и роди сыны и дщеры.
И бысть всех днии Аредовых лет 9, сот и 62, и умрет.
И поживе Енох, лет, 165, и роди Мафусала.
угоди же Енох Богу.
И поживе Енох по рождении Мафусалове, лет 200, и роди сыны и дщери.
И быша вси дние Еноховы, лет 365.
И угоди Енох Богу, и не обреташеся зане престави его Бог.
И жить Мафусал, лет, 187, и роди Ламеха.
Жить же Мафусал рождь Ламеха, лет, 7, сот и 82, и роди сыны и дщеры.
И бысть всех днии Мафусаловых яже жит лет, 9, сот и 69, и умрет.
И житть Ламех лет, 188, и роди сына, и нарече имя ему Ное, глаголя.
Сей покоит нас от дел наших, и от печали рук наших, и от земля юже проклят Господь Бог.
И жить Ламех родив Ноя, лет, 5, сот и 65, и роди сыны и дщеры.
И бысть всех днии Ламеховых лет, 7, сот и 53, и умрет.