Первыи книги Моисиовы Бытия.
Первая книга Моисея Бытие.

Глава 15.
На церковнославянском языке русскими буквами (транслитерация).

По глаголании же сем, бысть слово Господне ко Авраму в видении в нощи глаголя не боися Аврам: Аз защищу тя мзда ти будет зело многа.
Глагола же Аврам Владыко Господи что ми даси Аз же отпущуся без чада.
сын же масеков домочадица моея, си Дамаскос Елиезер.
И рече Аврам, ельмаже мне не дасть плода, домочадец мои наследник будет по мне.
И абие глас Господень бысть к нему глаголя, не будет сеи наследник твои, но иже изыдет ис тебе, тои будет наследник тебе.
И изведе и вон и рече к нему, взри на небо и счти звезды, аще можеши исчести, и рече тако будет семя твое.
Верова Аврам Богу и вменися ему в правду.
И рече к нему Аз есмь Бог изведыи тя от страны Халдеискиа, яко дати тебе землю сию прияти ю.
И рече Владыко Господи по чесому се разумею, яко прияти ю имам.
Рече же к нему.
возми Мне юницу трилетну, и козу трилетну и овен трилетен, и с горлицею и голуб.
Взявшу же емя вся и претеся я на полы, и положи я различна прямо к себе, птиц же не претеса.
слетеша же птица на телеса растесаная, и седес ними Аврам.
Заходящу же солнцу ужас нападе на Аврама, и се страх темен велии нападе нань.
И речено бысть Авраму ведя веждь, яко обыталницы будут семя твое в земли не своеи, и поработят и зазлят им, и смирят я четыриста лет языку же емуже поработают сужду Аз.
Посем же изыдут с имением многим, ты же отидеши к отцем твоим, жив с миром в старости добре.
Четвертое же колено обратится семо.
Не суть бо скончалися греси Аморреи доселе.
И яко бысть солнце на заходе, пламы бысть и се пещ курящися, и свеща огнены проидоша между полотми сими.
В тои день завеща Господь Авраму завет глаголя, семени твоему дам землю сию, от реки Египетския, до реки великия Ефрат, Кенея, и Кенезея, и Кедмонея и Хетфея и Ферезея, и Рафаины, и Аморреа и Хананея, и Еувея, и Енесея, и Евусея.