Бытие. Глава 18
Первыи книги Моисиовы Бытия.
Первая книга Моисея Бытие.
Глава 18.
На церковнославянском языке русскими буквами (транслитерация).
Яви же ся ему Бог у дуба Мамврия, седящему пред дверми храму его в полудне.
Взрев же очима своима. и узре, и се трие мужи стояху прямо ему, и видев и притече в сретение им от дверии храма его, и поклонися до земля, и рече Господи аще обретох благодать, пред лицем Твоим, не мини раба своего, да ся принесет вода, и омыются ноги ваша. и прохладитеся под дубом.
и принесу хлебы да ясте.
И посем минете на путь свои егоже ради свратистеся семо к рабу своему. и реша тако створи, якоже глагола.
И потщався Авраам в храмину к Сарре и рече еи, ускори взяти три спуды муки чисты, и створи потребники.
И тече Авраам в кравы. и поя телец млад и добр, и дасть и рабу, и ускори приготовити е,
И взя масло, и млеко, и телец, еже приготова, и постави пред ними и ядоша, сам же стояше пред ними. под древом.
И рекоста к нему где Сарра жена твоя, он же отвещав рече се в храмине.
И рече се обращся прииду к тебе, о времни сем в часе, и родит сын Сарра жена твоя, Сарра же услыша пред дверми храмины сущи за ним.
Авраам же и Сарра стара беста, живши дни многы, и минула бяше Сарры женская немощ, и посмеяся Сарра глаголющи в себе, не убо было ми доселе, се муже мо стар.
И рече Господь ко Аврааму, что яко посмеяся Сарра в себе глаголющи, и аще право рожду, аз бо сстарехся.
Еда немощно есть от Бога всяко слово, в се время взвращуся в часе. и будет Сарре сын.
И отвржеся Сарра глаголющи, не посмеяхся, убоя бо ся, и рече ни но посмеяся, вставши же мужи оттуду и обратиша лица своя к Содоме, и к Гоморе, Авраам же идяше с ними проводя я.
Рече же Господь, не потаю Аз от Авраама раба Моего, еже Аз творю, Авраам же будыи будет в язык велик, и мног.
И благословятся о нем вси языцы земнии, вем убо яко скажет сыном своим, и дому своему по себе, да снабдят заповеди Господа Бога творити правду и суд.
дондеже створит Господь Аврааму все елика глагола к нему.
И рече Господь вопль Содомскии, и Гоморскии умножися ко Мне, и греси их велицы зело, сшед убо да вижду, аще по воплю их, приходящу к Мне. кончаются или ни, да разумею.
И обратившеся мужи оттуду, приидоша в Содом Авраам же бяше еще стоя пред Господем.
И приступив Авраам рече, погубиши ли праведнаго с нечестивыми, и будет праведныи яко нечестивыи.
Аще есть, 50, праведных в граде погубиши ли я, не оставиши ли вся кому граду. 50. праведных ради, аще суть в нем, никакоже створиши по словеси сему, еже убити праведнаго, с нечестивыми, и будут праведнии яко нечестивии, никакоже ты Судия земли всеи, не створити суд.
И рече Господь аще обрящется в Содомех, 50. праведных, оставлю весь предел тех ради.
И отвещав Авраам рече, ныне начах глаголати к Господу моему, аз же есмь земля и пепел, да аще убудет, от 50, праведных 5. погубиши ли, 45, ради праведных весь град.
И рече не погублю, аще обрящу ту, 45.
И приложи еще глаголати к Нему. И рече, аще обрящется их ту 40.
И рече, не погублю, аще обрящутся. 40.
и рече елмаже Господи имам глаголати, аще обрящется их 30.
И рече не погублю 30, ради.
И рече, да что еще глаголю. Господи, аще обрящутся их, 20.
И рече не погублю. 20 ради.
И рече, еда Господи что аще глаголю единою еще.
Аще обрящется их ту, 10.
И рече не погублю 10. ради.
Отиде же Господь, яко сконча глаголя к Аврааму, и Авраам обратися на место свое.
Первая книга Моисея Бытие.
Глава 18.
На церковнославянском языке русскими буквами (транслитерация).
Яви же ся ему Бог у дуба Мамврия, седящему пред дверми храму его в полудне.
Взрев же очима своима. и узре, и се трие мужи стояху прямо ему, и видев и притече в сретение им от дверии храма его, и поклонися до земля, и рече Господи аще обретох благодать, пред лицем Твоим, не мини раба своего, да ся принесет вода, и омыются ноги ваша. и прохладитеся под дубом.
и принесу хлебы да ясте.
И посем минете на путь свои егоже ради свратистеся семо к рабу своему. и реша тако створи, якоже глагола.
И потщався Авраам в храмину к Сарре и рече еи, ускори взяти три спуды муки чисты, и створи потребники.
И тече Авраам в кравы. и поя телец млад и добр, и дасть и рабу, и ускори приготовити е,
И взя масло, и млеко, и телец, еже приготова, и постави пред ними и ядоша, сам же стояше пред ними. под древом.
И рекоста к нему где Сарра жена твоя, он же отвещав рече се в храмине.
И рече се обращся прииду к тебе, о времни сем в часе, и родит сын Сарра жена твоя, Сарра же услыша пред дверми храмины сущи за ним.
Авраам же и Сарра стара беста, живши дни многы, и минула бяше Сарры женская немощ, и посмеяся Сарра глаголющи в себе, не убо было ми доселе, се муже мо стар.
И рече Господь ко Аврааму, что яко посмеяся Сарра в себе глаголющи, и аще право рожду, аз бо сстарехся.
Еда немощно есть от Бога всяко слово, в се время взвращуся в часе. и будет Сарре сын.
И отвржеся Сарра глаголющи, не посмеяхся, убоя бо ся, и рече ни но посмеяся, вставши же мужи оттуду и обратиша лица своя к Содоме, и к Гоморе, Авраам же идяше с ними проводя я.
Рече же Господь, не потаю Аз от Авраама раба Моего, еже Аз творю, Авраам же будыи будет в язык велик, и мног.
И благословятся о нем вси языцы земнии, вем убо яко скажет сыном своим, и дому своему по себе, да снабдят заповеди Господа Бога творити правду и суд.
дондеже створит Господь Аврааму все елика глагола к нему.
И рече Господь вопль Содомскии, и Гоморскии умножися ко Мне, и греси их велицы зело, сшед убо да вижду, аще по воплю их, приходящу к Мне. кончаются или ни, да разумею.
И обратившеся мужи оттуду, приидоша в Содом Авраам же бяше еще стоя пред Господем.
И приступив Авраам рече, погубиши ли праведнаго с нечестивыми, и будет праведныи яко нечестивыи.
Аще есть, 50, праведных в граде погубиши ли я, не оставиши ли вся кому граду. 50. праведных ради, аще суть в нем, никакоже створиши по словеси сему, еже убити праведнаго, с нечестивыми, и будут праведнии яко нечестивии, никакоже ты Судия земли всеи, не створити суд.
И рече Господь аще обрящется в Содомех, 50. праведных, оставлю весь предел тех ради.
И отвещав Авраам рече, ныне начах глаголати к Господу моему, аз же есмь земля и пепел, да аще убудет, от 50, праведных 5. погубиши ли, 45, ради праведных весь град.
И рече не погублю, аще обрящу ту, 45.
И приложи еще глаголати к Нему. И рече, аще обрящется их ту 40.
И рече, не погублю, аще обрящутся. 40.
и рече елмаже Господи имам глаголати, аще обрящется их 30.
И рече не погублю 30, ради.
И рече, да что еще глаголю. Господи, аще обрящутся их, 20.
И рече не погублю. 20 ради.
И рече, еда Господи что аще глаголю единою еще.
Аще обрящется их ту, 10.
И рече не погублю 10. ради.
Отиде же Господь, яко сконча глаголя к Аврааму, и Авраам обратися на место свое.
Нет комментариев